ronald escarez - Invidious

100,000 pesos yan

1 week ago | [YT] | 0

Anu ang masasabi nyo dito mga kayoutube .....Mariing kinukundena ng Kilusang Mayo Uno ang brutal at mapaminsalang operasyon ng pinagsanib na pwersa ng Armed Forces of the Philippines at Philippine National Police sa Abra de Ilog, Occidental Mindoro.

Noong Enero 1, hindi bababa sa apat na attack helicopter ang nagsagawa ng pambobomba at istraping sa Abra de Ilog. Sapilitang pinalikas ang mga magbubukid at katutubo at patuloy na hinaharangan ang humanitarian team ng Karapatan Timog Katagalugan na nagnanais malaman ang kalagayan ng mga biktima ng terorismo ng estado.

Bunga rin ng pambobomba ng militar, inatake ng sakit at yumao si Jerlyn Doydora, isang estudyante na tumungo sa Mindoro upang mag-alam sa kinakaharap ng mga katutubong Mangyan-Iraya at magsasaka sa isla, at upang makibahagi sa kanilang ipinaglalaban.

Mahaba ang rekord ng kapulisan at militar ng paglabag sa karapatang-tao ng mamamayan ng Mindoro. Bago ito, apat na beses ding binomba at inistraping ang mga bayan ng Pola at Mansalay sa Oriental Mindoro. Sa Sitio Malatabako, Abra de Ilog, pinalayas ang mga katutubo sa kanilang lupang ninuno. Nagpapatupad din ng panghahamlet at food blockades ang mga pulis at militar sa mga komunidad ng mga Mangyan-Iraya at magbubukid. Nagdudulot ito ng matinding takot at malawak na pagkasira ng kabuhayan.

Sa tabing ng “kontra-insurhensya” inilunsad ang overkill na operasyong ito ng pulis at militar, ngunit batid ng manggagawa’t mamamayan ang tunay na dahilan sa likod ng labis na karahasan na pinapakawalan ng rehimeng US-Marcos laban sa mamamayan ng Mindoro: ang dambungin ang kanilang likas-yaman at kamkamin ang kanilang lupa para sa tubo ng mga kasabwat na malalaking kapitalista at panginoong maylupa.

Kakambal ng sumasahol na paglabag ng karapatang-tao ang panghihimasok ng malalaking dayuhan at lokal na korporasyon. Kinakasabwat nila ang mga pulis at militar upang bigyang-daan ang pangangamkam at pagpapalit-gamit ng lupa, dredging, eco-tourism projects, at mga huwad na proyektong “pangkaunlaran.” Kinakasabwat nila ang gobyernong Marcos upang bigyang-matwid ang kanilang mga proyekto gamit ang Regional Comprehensive Economic Partnership (RCEP) at National Greening Program (NGP).

Nananawagan ang Kilusang Mayo Uno sa mga mamamayang Pilipino: sama-sama nating ipanawagan ang pagtigil ng operasyong militar ng AFP-PNP sa Mindoro! Buwis natin ang winawaldas ng gobyerno sa pagbili ng armas na siya ring tinututok sa mga kapwa nating Pilipino. Sama-sama rin nating ipaglaban na mabigyang-daan ang pagkuha sa labi ni Jerlyn Doydora, makamtan ng kanyang pamilya at mga kasama ang hustisya, at makamtan ng lahat ng biktima ng paglabag sa karapatang-tao ang hustisya.

#DefendMindoro
#StopTheBombings