Official YouTube channel of the Nationalist Congress Party (NCP) led by Shri Ajit Pawar, current Deputy Chief Minister of Maharashtra.
We are dedicated to empowering women, youth, and marginalized communities through inclusive welfare schemes and policies. Our mission is to foster overall development that takes everyone forward, together. Join us as we share inspiring stories, impactful initiatives, and updates on our efforts to create a more equitable society.
From community outreach programs to policy discussions, we aim to engage and inform our supporters and the public about our pro-people initiatives. Subscribe to stay updated on our journey toward a brighter future for all!
#NationalistCongressParty #NCP #ncpspeaksofficial #ajitpawar #जनसन्मान_यात्रा #ncpjansanmanrally
NCPSpeaks (NCP)
रत्नागिरी जिल्ह्यातील सावर्डे येथील सह्याद्री शिक्षण संस्थेस राज्याच्या उपमुख्यमंत्री मा. श्रीम. सुनेत्रावहिनी अजितदादा पवार यांनी भेट दिली. यावेळी राज्याचे दिवंगत उपमुख्यमंत्री मा.अजितदादा पवार यांच्या हस्ते स्व. गोविंदराव निकम साहेब यांच्या ‘स्मृतिगंध’ स्मारकाच्या उद्घाटनावेळी संस्थेच्या परिसरात लावण्यात आलेले सुरंगीचे झाड मोठे झालेले पाहून उपस्थितांना आदरणीय अजितदादांच्या कर्तव्यनिष्ठेची आठवण होत अभिमान वाटला. वृक्षारोपणाच्या कृतीतून आदरणीय दादांची समाजसेवेची तळमळ दिसून येते. आदरणीय दादांच्या स्मृतीस्मरणार्थ या झाडाजवळ शिल्प उभारण्यात येणार आहे. यातून पुढील पिढ्यांनाही वृक्षारोपण आणि पर्यावरण जपण्याची प्रेरणा मिळेल.
1 day ago | [YT] | 12
View 0 replies
NCPSpeaks (NCP)
आज महाराष्ट्राचे आराध्य दैवत छत्रपती शिवाजी महाराज यांच्या जयंतीनिमित्त त्यांची जन्मभूमी शिवनेरी किल्ला येथे मराठा सेवा संघ आयोजित कार्यक्रमात राज्याच्या उपमुख्यमंत्री मा.श्रीम.सुनेत्रावहिनी अजितदादा पवार यांनी महाराजांना मनोभावे अभिवादन केले. तसेच, स्वराज्यजननी राजमाता जिजाऊ माँसाहेबांच्या चरणी नतमस्तक झाल्या.
मा.उपमुख्यमंत्र्यांनी याप्रसंगी संबोधित करताना, शिवरायांनी कायमच शौर्य, पराक्रम आणि जनकल्याणाची प्रेरणा दिली आहे. ज्यावेळी मी उपमुख्यमंत्री पदाची शपथ घेतली त्यावेळी माझ्या डोळ्यासमोर आईसाहेब जिजाऊ होत्या. राजमाता जिजाऊ यांनी मावळ्यांना दिलेली शपथ आठवली. आपणही मावळा बनून स्वराज्याचा, सुशासनाचा विचार पुढे नेऊया, असे आवाहन मा.उपमुख्यमंत्र्यांनी केले.
दरवर्षी आदरणीय अजितदादा या सोहळ्यास उपस्थित असायचे. शिवनेरीचा वारसा जपण्यासाठी त्यांनी नेहमी प्रयत्न केले. त्यांच्या उपस्थितीत शिवनेरी आराखडा तयार झाला. आदरणीय अजितदादांनी ज्याप्रमाणे काम केले त्याच प्रमाणे मीदेखील करीन, असा विश्वास यावेळी मा. उपमुख्यमंत्र्यांनी व्यक्त केला.
याप्रसंगी मुख्यमंत्री श्री. देवेंद्रजी फडणवीस, उपमुख्यमंत्री श्री. एकनाथजी शिंदे, मंत्री श्री. आशिष शेलार, अभिनेते श्री. रितेश देशमुख, आमदार श्री. शरद सोनवणे तसेच मराठा सेवा संघाचे पदाधिकारी व शिवभक्त मोठ्या संखेने उपस्थित होते.
2 days ago | [YT] | 1,467
View 5 replies
NCPSpeaks (NCP)
आज मा. श्रीम. सुनेत्रावहिनी अजितदादा पवार यांनी महाराष्ट्र राज्याच्या उपमुख्यमंत्री पदाचा पदभार स्वीकारला. आदरणीय अजितदादांच्या प्रतिमेस अभिवादन करत त्या उपमुख्यमंत्री पदी विराजमान झाल्या. उपमुख्यमंत्री पदाची जबाबदारी स्वीकारल्यानंतर मा. सुनेत्रावहिनी पवार यांनी मा. अजितदादांनी महाराष्ट्राच्या जनतेसाठी झटत विकासाचा जो ध्यास घेतला होता, तोच मार्गदर्शक दीपस्तंभ मानून कार्य करण्याचा निर्धार व्यक्त केला.
तसेच दादांची कार्यशैली, निर्णयक्षमता आणि लोकांशी असलेले आत्मीय नाते, हेच बळ घेऊन मी पुढील वाटचाल करणार आहे. त्यांच्या अपूर्ण स्वप्नांना पूर्णत्व देणे, शेतकरी, महिला, युवक आणि सर्वसामान्य नागरिकांच्या अपेक्षांना न्याय देणे, हीच प्राथमिकता राहील, असा विश्वास त्यांनी यावेळी व्यक्त केला.
आदरणीय अजितदादांची जागा कोणीच घेऊ शकत नाही; पण त्यांच्या विचारांचा वारसा जपण्याचा आणि अधिक सक्षम महाराष्ट्र घडवण्याचा प्रामाणिक प्रयत्न मी नक्की करेन. या कठीण प्रसंगी जनतेने दिलेले प्रेम, आधार आणि विश्वास हेच माझे सामर्थ्य आहे. महाराष्ट्राच्या हितासाठी निष्ठेने आणि समर्पणाने कार्य करत राहीन, असे वचन त्यांनी यावेळी महाराष्ट्राच्या जनतेला दिले.
याप्रसंगी, पक्षाचे राष्ट्रीय कार्याध्यक्ष श्री. प्रफुलजी पटेल, प्रदेशाध्यक्ष श्री. सुनीलजी तटकरे, श्री. पार्थदादा पवार, सौ. रुपाली चाकणकर, श्री. छगन भुजबळ, श्री. हसन मुश्रीफ, श्री. नरहरी झिरवाळ, श्री. बाबासाहेब पाटील, कु. आदिती तटकरे यांच्यासह पक्षाचे मान्यवर नेते, विधीमंडळातील सदस्य आणि पदाधिकारी उपस्थित होते.
1 week ago | [YT] | 60
View 4 replies
NCPSpeaks (NCP)
आज दादर येथे चैत्यभूमीवर महाराष्ट्र राज्याच्या उपमुख्यमंत्री मा. श्रीम. सुनेत्रावहिनी पवार यांनी भारतीय संविधानाचे शिल्पकार, महामानव, भारतरत्न डॉ. बाबासाहेब आंबेडकर यांच्या समताधिष्ठित विचारांचे व लोककेंद्रित कार्याचे स्मरण करून, त्यांच्या पवित्र स्मृतींना अभिवादन केले. याप्रसंगी राष्ट्रवादी काँग्रेस पार्टीचे राष्ट्रीय कार्याध्यक्ष श्री. प्रफुलजी पटेल, प्रदेशाध्यक्ष श्री. सुनीलजी तटकरे व श्री. पार्थदादा पवार यांच्यासह राष्ट्रवादी परिवाराचे सदस्य उपस्थित होते.
1 week ago | [YT] | 7
View 4 replies
NCPSpeaks (NCP)
आज मुंबईतील प्रभादेवी येथे महाराष्ट्र राज्याच्या उपमुख्यमंत्री मा. श्रीम. सुनेत्रावहिनी अजितदादा पवार यांनी श्री सिद्धिविनायक गणपती मंदिर येथे श्री गणेशाच्या चरणी नतमस्तक होऊन मनोभावे दर्शन घेतले. याप्रसंगी राष्ट्रवादी काँग्रेस पार्टीचे राष्ट्रीय कार्याध्यक्ष श्री. प्रफुलजी पटेल, प्रदेशाध्यक्ष श्री. सुनीलजी तटकरे व श्री. पार्थदादा पवार यांच्यासह राष्ट्रवादी परिवारातील सदस्य उपस्थित होते.
1 week ago | [YT] | 38
View 3 replies
NCPSpeaks (NCP)
बारामतीतील विद्या प्रतिष्ठान येथे राज्याचे दिवंगत उपमुख्यमंत्री, विकासपुरुष आदरणीय अजितदादा पवार यांचा पूर्णाकृती पुतळा उभारण्यासंदर्भात ज्येष्ठ नेते श्री. शरदचंद्रजी पवार साहेब, सौ. प्रतिभा पवार, श्री. श्रीनिवास पवार, श्री. राजेंद्र पवार, कु. पार्थदादा पवार, आमदार श्री. रोहितदादा पवार, श्री. जयदादा पवार व विद्या प्रतिष्ठान संचालक मंडळ यांनी सविस्तर चर्चा केली.
बारामतीचे सुपुत्र, महाराष्ट्राचे विकासपुरुष आदरणीय अजितदादा पवार यांच्या उत्तुंग कार्याला व व्यक्तिमत्त्वाला कृतज्ञतापूर्वक मानवंदना म्हणून त्यांच्या जन्मभूमीत साजेसा पूर्णाकृती पुतळा साकारण्यात यावा, अशी दृढ जनभावना होती, त्यातूनच ही कल्पना आकार घेत आहे. हा पूर्णाकृती पुतळा, आगामी काळात सदैव आदरणीय अजितदादांच्या जनसमर्पक कार्याची साक्ष व प्रेरणा येणाऱ्या पिढ्यांना देत राहील, असा ठाम विश्वास आहे.
2 weeks ago | [YT] | 30
View 3 replies
NCPSpeaks (NCP)
डोळ्यांत अश्रू, मनात वेदना आणि ओठांवर एकच नाव… आदरणीय अजितदादा पवार!
आज पवनानगर येथे राज्याचे दिवंगत उपमुख्यमंत्री आदरणीय अजितदादा पवार यांच्या अस्थिकलशाचे विधीवत पूजन करून राष्ट्रवादी परिवाराच्या वतीने श्रद्धांजली अर्पण करण्यात आली. ज्यांच्या एका शब्दासाठी मावळचा कार्यकर्ता जीवाचे रान करायचा, अशा लाडक्या लोकनेत्याच्या अस्थींचे दर्शन घेण्यासाठी प्रचंड जनसागर यावेळी उपस्थित राहिला होता.
याप्रसंगी अनेक मान्यवरांनी आदरणीय दादांच्या आठवणींना उजाळा दिला. दादांचे जाणे हे केवळ राजकीय नुकसान नसून, सर्वसामान्य जनतेचा विश्वास, कार्यकर्त्यांचा आधार हरपला आहे. अजितदादा हे विकासाची दूरदृष्टी असलेलं नेतृत्व होते. त्यांच्या निधनाने पवना मावळमधील प्रत्येक नागरिक पोरका झाला असल्याची भावना व्यक्त करत अनेकांनी दादांना श्रद्धांजली वाहिली.
आजच्या शोकसभेला जमलेली ही अफाट गर्दी म्हणजे दादांनी आयुष्यभर कमावलेल्या माणसांची संख्या आणि त्यांच्यावर जनतेने ठेवलेल्या अढळ विश्वासाची साक्ष असल्याची भावना यावेळी पक्षाचे मावळ मतदारसंघाचे आमदार श्री. सुनील शेळके यांच्यासह कार्यकर्त्यांनी व्यक्त केली.
2 weeks ago | [YT] | 14
View 2 replies
NCPSpeaks (NCP)
दादांच्या अस्थींचे विसर्जन... आपल्या लाडक्या नेत्याला साश्रू नयनांनी अखेरचा निरोप!
2 weeks ago | [YT] | 1
View 0 replies
NCPSpeaks (NCP)
आज प्रीतिसंगम कराड येथे राज्याच्या उपमुख्यमंत्री श्रीमती सुनेत्रावहिनी अजितदादा पवार यांनी महाराष्ट्राचे शिल्पकार स्व. यशवंतराव चव्हाण साहेब यांच्या समाधीस्थळी पुष्पमाला अर्पण करून आदरांजली वाहिली. यासोबतच आदरणीय वेणुताई यशवंतराव चव्हाण यांच्या स्मृतिप्रित्यर्थ बांधलेल्या स्मारकाला भेट देऊन, यशवंतराव चव्हाण साहेब व वेणुताई चव्हाण यांच्या पुतळ्यास अभिवादन केले. उपमुख्यमंत्री श्रीमती सुनेत्रावहिनी पवार ह्या उपमुख्यमंत्रीपदाची शपथ घेतल्यानंतर प्रथमच कराड येथे येऊन स्व. यशवंतराव चव्हाण यांच्या स्मृतीस्थळी नतमस्तक झाल्या.
स्व. चव्हाण साहेब हे महाराष्ट्राचे दिवंगत लोकप्रिय उपमुख्यमंत्री आदरणीय अजितदादा पवार यांच्या जनसमर्पक कार्याचे अढळ प्रेरणास्थान होते. त्यामुळे आदरणीय अजितदादा व स्व. यशवंतराव चव्हाण यांच्या समाधीस्थळाचे नातेही अत्यंत निराळे व जिव्हाळ्याचे होते. आदरणीय अजितदादा वारंवार कराड येथे प्रीतिसंगमावर येऊन स्वर्गीय यशवंतराव चव्हाण त्यांच्या स्मृतीस्थळाचे दर्शन घेऊन अभिवादन करत होते. यंदाच्या विधानसभा निवडणुकांनंतर आपल्या उपमुख्यमंत्रिपदाच्या कार्याची सुरुवातही आदरणीय अजितदादांनी याचप्रमाणे केली होती.
यावेळी आज समाधीस्थळी पक्षाचे प्रदेशाध्यक्ष मा. खा. श्री. सुनीलजी तटकरे, राज्याचे मदत व पुनर्वसन मंत्री श्री. मकरंद आबा पाटील, राज्य महिला आयोगाच्या अध्यक्ष तथा राष्ट्रवादी महिला काँग्रेसच्या प्रदेशाध्यक्ष सौ. रूपाली चाकणकर, खासदार श्री. नितीन पाटील, माजी खासदार श्री. श्रीनिवास पाटील, माजी आमदार श्री. बाळासाहेब पाटील, जिल्हाधिकारी श्री. संतोष पाटील, पोलीस अधीक्षक श्री. तुषार दोशी, कराडचे नगराध्यक्ष श्री. राजेंद्रसिंह यादव यांच्यासह विविध क्षेत्रांतील मान्यवर व राष्ट्रवादी परिवाराचे सदस्य बहुसंख्येने उपस्थित होते.
2 weeks ago | [YT] | 16
View 2 replies
NCPSpeaks (NCP)
दादा...💔
3 weeks ago | [YT] | 20
View 2 replies
Load more